再見二丁目(一)．尋找快樂的意義 終於的起心肝寫《再見二丁目》，依首歌對林夕有著非常重大嘅意義，徒弟林若寧亦親證《再二》屬林夕「自身愛情經歷」三部曲其中之一；林夕亦講過「多年來寫情歌歌詞，幾段刻骨銘心的愛情是泉源。」 所以《再二》對於林夕整個填詞生涯份量之重，不言而喻。 《再見二丁目》發生嘅年份係1995年，講述林夕本人喺東京(新宿)西武百貨店門口等咗一個人好耐，最後果個人失約，令佢由滿心期待到徹底失望嘅故事。而依次失約事件亦令佢意識到兩人關係嘅轉變。 林夕曾經喺分享會上咁講：「天下間最快樂的旅遊是和愛人在一起，可這也是很危險的旅程，兩個人常常會發生問題，結果我那最甜蜜的命運及最悲慘的命運都發生在東京。」 悲慘嘅命運就係指《再二》依次失約，對當時嘅佢打擊好大，佢講過當刻經歷失約嘅自己「好像魂魄都不成的樣子」，睇個世界啲野好似靜止咗咁，所以寫咗「滿天柏樹 突然沒有動搖」。 林夕係一個好重視同好憧憬約定嘅人，喺好多佢嘅歌詞入面都曾提到「約定」二字，甚至寫咗一首《約定》俾王菲，依首歌亦係佢「自身愛情經歷」三部曲其中之一，可見「約定」對佢黎講有幾咁重要。 (1/2)