【TRPG之深夜emo】 .2 TRPG故事 唔知大家跑團嘅目的係啲咩？ 有人可能係為咗訓練自己口才，有人可能係為咗同朋友增進下感情，有人可能係為咗識下新朋友。 但我認為，其實跑團嘅最終目的剩係得一個： 「開心」 大家辛辛苦苦整隻角色出嚟，都係為咗想共同創造一個好嘅故事，然後有一個好嘅角色扮演嘅體驗。 就好似打機咁，辛辛苦苦升級，其實最後都係只係為咗最後嘅成功感，嗰一種嘅開心嘅感覺。 但係事實上唔係所有嘢都係咁順利。 TRPG係一個比起其他遊戲，更加容易比玩家嘅價值觀去影響到嘅一個遊戲。 比如就算用同一個角色，每個人都會有唔同嘅RP　方法。 然後，正因為每一個人都有唔同享受遊戲嘅方法，萬一價值觀產生衝突嘅話，好有可能會令到參與嘅玩家，包括自己嘅遊戲體驗變差。 所以，玩家要點樣互相進行讓步同協調，其實都係玩TRPG入邊幾重要嘅一個課題。 但係，如果自己為咗其他玩家而做出過多嘅讓步，又會導致自己失去咗一開始嘅目的——「開心」。 其實我講咁多，都只係想同大家講： 「記住，玩遊戲係應該開心嘅」 如果你覺得唔開心，咁一定係有某啲位出咗問題。 希望大家都可以開開心心咁享受TRPG！