超長文慎入 - 2 有人批評Jay Fung今次嘅演唱會主題係The Soundtrack of My Life，但無唱英皇時期嘅歌根本就唔符合主題、唔合理。但佢响演唱會裡面都有解釋過揀選依個主題嘅意義，而佢選擇咗今次rundown裡面嘅依堆歌，我嘅理解係佢覺得依堆歌就係meet到佢（依一刻）想表達嘅感覺，我自己就好享受每一首歌，佢（好似係第二場）亦都有講希望大家會appreciate，而且佢平均每晚唱咗32首歌，唱咗接近3個鐘，仲要佢無太多休息位，真係唔簡單，我係真心appreciate 可能直白咗d，但其實我自己理解唔到點解 d人對英皇時期嘅歌咁執著，可能係嗰個時期嘅歌唔算係我杯茶（個人亦有感嗰時嘅歌唔算係Jay自己最想做嘅歌，反而依幾年就係），唔係覺得嗰個時期嘅歌唔好聽，而且唔會唔鍾意聽，演唱會聽到嘅話都會好enjoy，只係唔算好hit中到我，而且我最愛嘅都係寰亞時期開始嘅歌 利申，我由超級巨星時期已經開始鍾意Jay，當時集集追，我話好鍾意依個男仔，因爲佢一d都唔造作、唱歌表演好自然，令人聽/睇得好舒服，我感覺到佢真係鍾意唱歌，真係enjoy表演、想同大家分享音樂咁（續）