深夜感性。不吐不快。 A0咗差唔多19年。 成日都思考緊一個問題， 其實啲人係點樣搵到自己嘅soulmate？ 身邊唔少人都係由同學、朋友做起， 亦都有少數係用social media、交友app識。 截至現時，好似身邊9成人都拍緊拖，或者，at least拍過下拖。 好似得我一個未經歷過愛情咁。 19歲話老唔老，話後生唔後生啦，但就連puppy love都冇經歷過。 莫講話拍拖，連曖昧都冇試過。 有時會諗，係咪外表問題？ 我唔知自己個樣算點，但應該勉強叫正常樣嘅。 老實講句，身邊好多人都係正常普通樣（例如我父母）， 佢哋中學開始就拍拖，一路拍到結婚。 我就喺度諗，係咪即係話普通樣都可以獲得愛情？ 咁點解我冇？會唔會我真係樣衰到咁嘅地步？ 身邊啲人有時會suggest吓， 「轉吓環境，唔好困死喺一個圈子，或者就會搵到㗎啦！」 雖則話係中學6年女校， 但係自細都keep住有打波，打波嗰度都有男有女， 但係都冇任何chemistry，可以證明哩個方法係唔work。 睇嚟圈子係對我無效。 大學呢？ 冇。我鍾意嘅人，一係就拍緊拖，一係就就嚟有拖拍（笑）。 又爆字數，留言續。