之前同大家分享咗點樣用留白方式 令生活空間顯得舒適簡約 今次終於有時間分享色調配搭嘅基礎 我盡量用簡短易明嘅方法講解🫶🏽  首先大家要記住三原色👉🏽紅、藍、黃 由三原色可以分拆好多顏色 例如紅+黃變橙，黃+藍變綠，藍+紅變紫 如此類推… 配搭方法1 近似色(過渡色) 我覺得呢個方法係最易掌握同埋比較一體 例如你屋企用綠色為主 所有家品同擺設都可以深綠淺綠或者相同色互相呼應 配搭方法2 補色 我post咗一張色盤圖出嚟方便大家理解 意思指色盤中你想要嘅顏色+對面 例如深黃對深藍，深綠對深紅，淺黃對淺紫 依個方法只要你撻睇住個色盤對就好容易上手 配搭方法3 三分色 顧名思義就係三原色一齊用 紅+藍+黃，橙+綠+紫，如此類推… 依個方法如果你唔熟都係要睇住個色盤去幫手 基本上你掌握咗依三個方法之後 慢慢就會培養出一定嘅技巧 亦即係話你屋企開始越嚟越靚 希望我順順利利考曬啲牌 騰出多啲時間同大家分享更多 有唔明嘅地方歡迎留言發問🫶🏽