以為自己痛多三四個鐘就生得, 期間痛嘅密度由兩至三分鐘一次去到一分鐘一次都有....一路痛到6pm已經開始痛到迷迷矇矇傻傻地原來都係未開（期間助產事又叫我坐瑜珈波又叫我試下趴喺張床度助產都冇乜用）期間又因為產房太忙,啲護士midwife不斷出出入入....痛到越來越神智不清,意志薄弱, 原本我想等到就離生得先叫老公過嚟, 但發現越嚟越唔妥, 就打電話叫老公過嚟陪我,再求班醫護畀笑氣我....但嗰陣時嘅痛連笑氣都唔太幫到忙）,打止痛針又太遲了....因為隨時都可能要開刀, 喺隔離陪伴嘅老公感覺到佢望住我都好難受同頂唔順, 因為我真係痛得太辛苦, 我仲要之前嗰晚冇瞓過, 繼而因為催生又禁水禁食加上痛咗咁耐個人已經虛脫, 吸住笑氣只係令個人wing wing哋攰攰地, 但其實都仍然好痛苦, 每吸完一啖笑氣陣痛過咗個人虛脫攰到可以即刻瞓著, 但當陣痛嚟又即刻痛到彈醒....簡直係折磨, 覺得自己就嚟死...唯有望住個鐘祈求快啲痛夠12個鐘, 因為催生夠12個鐘產情冇進展就當催生失敗）最終催生夠12小時都係開唔到指就被緊急送去開刀..知道可開刀之際真係淚流滿面,覺得自己既痛苦終於可以解脫了...