掘周保松祖墳系列（In the Shadow of Justice） 嚟咗倫敦差唔多一個月，今日同好友去海德公園散步。離開時途經費邊社（Fabian Society）嘅辦公室，頓時想起羅爾斯 John Rawls。 相信部中大社科院 – 尤其政政系 – 學生應該對Rawls不感陌生，畢竟敞系（ok，依家係program）嘅明星教授周保松就係靠做Rawls嘅theory起家。中大社科院嘅Faculty Packages 就有GPAD1095揀，上過1095嘅應該好難冇聽過周生吹奏Rawls（如果有上過GPAD 3070，你聽到嘅會更誇張，例如當代分析馬克思主義大師 G.A Cohen係課堂上嘅出現都只係淪為襯托Rawls作為人類史上唯二最偉大哲學家嘅存在）。 大家係周生嘅課堂入面應該聽過唔少關於正義、公平、分配嘅討論，可能都會接受咗Rawls嘅理論作為20世紀最Radical嘅政治理論，比馬克思更激進（Ok，我聽到呢句係笑咗嘅）。但在香港推動「左翼自由主義」，並希望成為一套社會實踐，究竟可唔可行呢？講咗咁耐，大家可能會問，咁費邊社關Rawls咩事呢？(1/4)