20241014 今日想出個post…紀錄一下呢個世界有幾可悲 朝早差唔多跑完嘅時候，喺學校區遇到交通意外，有位學生被私家車撞低咗，當時途人已經即時報警，睇吓學生有冇反應，而我同另一位叔叔維持路面交通秩序，始終返工返學時間，個個司機都心急，如果再撞就麻煩😡多謝今日現場司機們嘅耐性🙏🏻香港最重要嘅風景係人🫂 救護員3分鐘後就已經即刻到場，然後現場完成初步救護程序，再協助傷者上擔架過救護車，上完車嗰一刻，某紀律部隊先至施施然黎到現場🙂‍↔️ 呢度已經係市區，唔係元朗國，由細到大都教XX會第一時間到現場維持秩序，結果今日現場交通秩序已經維持完，傷者都已經上咗救護車，事件完嘅時候先嚟到，唔該反省下🤬 同時亦都提醒咗自己一下，揸住架車真係揸住部死亡機器，隨時可以累到人🫣 再者，自己生命同健康唔只需對自己負責，仲有家人同埋朋友🫂 呻完，冇咩事都係返去湊女🧑‍🍼 #notallheroeswearcapes #butsomevillianswearuniform