講返正題，我選擇同返佢一齊 一嚟係因為佢行為上真係改變咗好多（詳細唔多講，中間經歷過好多野）；二嚟其實我都幾易原諒人，我連個小三都原諒咗，甚至其實覺得佢幾可悲（本身識個小三，知道佢以往專做人小三，佢原生家庭好缺愛，表面扮到好光鮮其實內心極脆弱，好渴望得到愛）；三嚟，我好清楚自己真係好愛佢，即使試過同其他人一齊，但我知自己最愛嘅只有佢。 所以，其實選擇同返佢一齊，我同自己講我可能會再受重傷，但條路自己揀 仆街冇得喊（同時我唔會好似以前咁天真，我會愛自己多啲，好多人都話我經歷完呢件事改變咗好多），而我同佢表明得好清楚如果再傷我一定會離開。我知呢個選擇係好多人眼中係好任性好傻，而且普遍人都會覺得一次不忠百次不用，不過我覺得愛情有時就係要帶啲衝動（理性嘅人應該會好唔認同😂），至少我好肯定我做呢個選擇唔會後悔