🗓️Day 53 - 打防疫針去💉 連續兩日都可以一日餵5餐，7 / 11 / 15 / 19 / 23 ! 尋晚都成功瞓到7個鐘! 下一個目標係食飽最後嗰餐可以快啲入睡，依家成日食飽眼光光個幾鐘先可以氹到瞓著ಠ_ಠ 今日最大嘅任務係打防疫針，因為想俾佢有多啲保護，一個月大時無喺健康院打針，留返今日先打6合1同埋食輪狀病毒。可能因為啱啱先喺醫院打過無數嘅針，BB只係喺拮針個下喊咗一聲，我地都未嚟得切反應要氹佢就好快收咗聲 ´͈ ᵕ `͈ 希望嚟緊唔會發高燒喇～ 今日仲發現咗BB好鍾意人整佢下巴，仲會開心到笑出聲! 加埋佢暴漲嘅面朱登，勁搞笑 (ᗒᗜᗕ)՛̵̖