入秋係三文魚回流產卵季節，朋友介紹 Harrison Spring 附近有個產卵場 - Waver Creek Spawning Channel，佢位於 Weaver Creek 上游，係一個人工養殖場，響衛星望落去佢將溪流整到好似大腸小腸咁，等啲魚可以喺穩定嘅水流之下慢慢回游上去再產卵，而小溪設計就好似一層一層樓梯咁，大家就可以睇到啲三文魚慢慢咁跳上去，一路溯溪前進。未睇過嘅朋友，如果有時間 （因為溫哥華開車過去都要近兩個小時），都可以平日去！係！係平日！ 剛剛禮拜日帶兩老去，上山條路都唔算多車，去到停車場，O晒嘴，全滿！好彩剛好搵到個車位，泊好車，先上個廁所，當地得四五個臨時廁所，入到去，見到有張 notice，寫住偉大嘅中文字； “請勿站在廁板上” 咦～？ 咦～？玻玻哋璃添 😏 點解唔寫印度文點解唔寫賓文唔寫泰緬法俄文？？ 😏 入到養殖場，眼前景象吓我一跳，我以為我去咗深圳蓮花山公園 🙀 點解園入面清一色都係同一種人嘅？係全部！！有對住三文魚掉嘢嘅小朋友啦；有喉嚨唔多舒服要清一清嘅叔叔啦；有筋骨好犀利可以輕鬆踎嘅婆婆啦；有包租婆mode聲波功嘅阿姨。。。 留言待續