孩子的健康最重要 （5） Any肥， 既然個女可以咁叻做完手術 我都唔可以頹 重點係因為做完手術嘅女要食人奶 我愈頹就愈上唔到奶 就係咁我就開始咗係醫院泵奶嘅生涯 係NICU裡面有間人奶媽媽專屬房 有2部泵奶機可以借嚟用， 泵完直接裝入醫院嘅玻璃樽 俾工友姨姨冰起佢for 小朋友 咁一班媽媽一齊就一定係一齊吹水 但我地嘅吹水都係講自己小朋友經歷緊啲咩 有啲可能係因為早產而瞓箱 有啲可能係因為BB器官有異常（類似我女嘅情況） 有時講講下大家都會忍唔住喊 但又會大家扶持 而住係NICU差不多1個月 令我最難過嘅有2件事 其中一件事係關於隔離床嘅BB 呢個BB五官上有比較明顯嘅缺陷 身上嘅維生儀器都好多 但每日爸爸媽媽係探病時間都一定會出現 同BB傾下計 唱下歌 直到有一日… 初生嬰兒