關於 ex-基督徒 (3) 前日我送一個中學師弟機，佢同時間係我教會嘅團友，都算係教會先開始熟。 本來佢只係邀請心儀對象送機 (我朋友但非教會)，我朋友覺得搵多個人陪好D所以搵我陪佢，然後依位師弟知道咗會有其他人，就叫埋其他人送機。我預計度包括教會熟悉嘅面孔。 第一個我見到嘅係我小組嘅組員，因為小組原先男組長去外國讀書，佢之後成為咗組長，我同佢 part 同一組。 佢見到我打咗招呼，同師弟傾計咗一陣。再面向我，輕拍咗膊頭 (懶係熟咁): 「喂! 衰仔，點解唔見一排唔搵我嘅。」我扮若無其事，答: 「係妹。同埋點解隔咗兩年你又唔搵我嘅。」佢答: 「Err... 其實我又諗過 text 你，但又...」我已經冇咗諗住講落去，只係答: 「我唔係太想返教會，因為某D原因。」 其餘時間，都見到牧師、團友同埋執事。佢地都好驚訝見到我係度，有人同我講「Nice to meet you」。我再重覆返，我唔想再返教會，佢地都冇乜問題，同我講，「唔會情緒勒索叫人返教會」。我再講，離開教會，係因為教會建立嘅關係只容許係教會入面存在。 「正常喎」佢地答。 「吓正常咩」我心諗。 我係教會識咗好多人。