響芬蘭機場轉機嘅時候 因為要等五個鐘我走咗去食飯 遇到個亞洲女人,佢唔知道要去邊度轉機 話以前去旅行啲嘢都係老公負責,今次要自己處理所以唔係好識 我幫完佢之後佢就話去飲酒,叫我食完飯去搵佢請我飲一杯 兩個鐘之後我又遇到佢 同佢傾咗一陣偈,佢已經少少醉不停同我講挪威話 女人由深圳嫁過去挪威20年 最近丈夫心臟病突發過身 以前兩公婆一齊做生意而家得返佢一個 正當我想同佢講唔好意思既時候 佢又話我知丈夫留俾佢嘅遺產同埋退休金足夠佢安穩一世 佢之前仲同咗一個細佢20年嘅芬蘭小鮮肉拍拖,不過因為屋企人反對佢哋冇一齊落去 臨走嘅時候佢好型咁樣同我講 ''活左咗50年,但係我覺得我嘅人生啱啱先至開始'' 最後掛住傾偈唔記得叫佢請我飲酒,不過我賺咗一個好有趣嘅故事