讀書時學校有隻鴨叫Long Boi，顧名思義就係條頸特別長，York嘅學生都一定識佢。 Long Boi據聞係被前主人帶到學校湖邊棄養，後來被一名bio student發現，再幫佢開埋IG，宜家已經有61k followers。@longboiyork 由於佢身型的確係鶴立鴨群，慢慢變成York嘅吉祥物。雖然啲鴨成日攻擊人，喺學校拍嘢嗰陣又有啲阻訂，又唔夠兔仔同狐狸可愛，但Long Boi都算係例外地討人喜歡。 到上年5月，大家發現Long Boi唔再出現喺平時出沒嘅地方，斷定佢已經過身。而Long Boi過身後，大家決定籌款做個紀念碑俾佢，啱啱喺上個月終於面世。 好難想像呢件溫暖嘅事可以發生喺香港，無論喺邊個層面嚟講都無乜可能。