孩子的健康最重要 （6） 直到有一日 隔離床嘅媽媽問， ：姑娘，我可唔可請神父入嚟為BB祈禱？ （NICU除左儀器聲同間唔中嘅BB喊聲真係好靜） （NICU除左親人外都不能入內） 過左2日，姑娘幫呢位BB圍起左簾， 先係有位老人家嚟咗（應該係婆婆or 嫲嫲） 老人家冇講啲咩， 靜靜咁陪住BB 老人家返左出去後 換左位神父入嚟 開始為小朋友祈禱🙏🏻 一般祈禱都係為左祝小朋友早日康復 但嗰日嘅祈禱係希望BB回到天父嘅身邊後可以脫離痛苦 同埋講多謝BB至少來人間走咗一轉 俾爸爸媽媽抱到佢，愛到佢 聽到呢度我已經忍唔到想喊 後尾又入嚟幾位親戚， 我怕影響到佢地，加上探病時間都7788， 所以先行離去 點知第2日返到嚟， 隔離床嘅床位已經被推走咗 得返一個空盪盪，得返床頭號碼牌嘅位置… 珍惜現在擁有的