《約女神食LUNCH》13 - 第一次約會 上回講大學時約女神出黎 我在FB知佢返黎，唔知何來的勇氣去DM佢😎 吹下近況後，我就約佢睇戲食飯 佢竟然爽快答應，成功一大步 我約去又一城，因近大家，算係中產場，襯返女神 因為無信用卡，我事前去買飛，仲揀左邊位 FF睇戲時，可以趁機拖佢手，食完飯，送佢返屋企，整個Hello👄 點知約會前兩日，女神話同唔到我睇戲，淨係同我食飯 叫我同細妹去睇(最後2張飛真係畀左細妹) 突然反口係有D嬲，但最驚係佢約第二條仔😒 到左約會果日7點，我在商場入口等佢 其實我早半個鐘到左，一來去睇下想去的EXP情況，二來探下路，而當時無人等位😆 女神遲左少少到，而佢嚇我一跳，肥左兩個碼，十足最近聲夢發褔那位 佢第一句就問：「我係咪肥左好多？」 我：「唔係呀」 女神：「你真係識氹人，個個都話我肥左，不過我會減」 女神雖然肥左，但有化妝、戴CON、一頭啡色的長曲髮，比中學時更靚，更令我心動💗 之後我地行去EXP 我由細到大只有男仔FD，第一次約女仔，真係好緊張 成個人好唔自然，說話和動作都好生硬，大家有無試過？ 去到EXP，仆街了，超多人等位😱 (PS:下圖是示意圖)