行澗同行山唔同，濕滑係首要難題，而且澗線必然有攀爬，有救唔到嘅危險。正常都好少山團會帶陌生人行，始終唔聽勸出意外真係挽救唔到。 當時初聞山中有澗可行，只知大概有黃龍北龍，身邊山友都未有經驗，無人可以領行，真係各自修行，大家盼望有機會有人帶到（全部i人又唔敢叫勁人帶） 。所以作為一個細膽嘅行山人，算係等咗好耐又機緣巧合先開始行澗，但大概係好多人行澗必經嘅階段。 後來認識幾個人帶我一齊行坑澗，4個人組成的行澗小組，短短一個夏天過得好快樂 。喺山入邊，大自然沒有私心，一齊行山嘅人亦無私傳授經驗，覺得理所當然 。後來繼續行山，再與各種不同山客作伴，各心有所偏，無分好壞 ，但我對喺山入邊有私心嘅人總有種警剔不好信任 。