孩子的健康最重要 （7） 第二件其實已經係我女離開左NICU之後發生嘅事 話說我地呢班媽媽開咗個wtsapp group 係呢個wtsapp group內大家唔會講報咩playgroup 用邊款尿片 食邊隻奶粉 而係當自己小朋友病情有左新進展時會同大家講 分享下 有啲可能係終於可以唔使靠喉仔進食 有啲可能係終於可以擺脫呼吸機 最令人振奮嘅一定係可以出院返屋企 當時有位媽媽嘅小朋友係2x周出生 真係好細好細粒 有時我經過個箱仔甚至唔係好睇到（因為好多儀器會擋住視線） 亦到因為早產所以器官發育唔健全 挨左好多刀 BB都好叻，小小嘅身驅挨過左n咁多次手術 係住院滿1年後， BB由手掌咁大變到肥肥白白 笑起來超級可愛 終於可以從NICU 轉去普通兒科病房 繼續觀察下就應該可以出院返屋企 我仲記得當時係wtsapp group內大家都好為小朋友感到高興 大家已經想約定到時候一齊出嚟聚一聚 過咗一排，我再收到呢位媽媽嘅pm 呢個pm, 係有日期、時間同地點… 媽媽group