晌補習生涯入面，我係賞罰分明的 。 一個公認為曳嘅學生，只要佢有做得好嘅地方，我都會讚賞佢 。 最近就係有個公認為多嘴嘅學生 ，上堂成日嘻嘻哈哈，講無聊野 。 但都算聽我話，會做晒我比佢嘅嘢 。 所以好多時我都由佢，邊講無聊野邊做練習。 你以為佢邊講邊做唔會入到腦？ 錯了，佢係做得返我教過佢嘅野，愈做愈好 。 所以上一堂我大大力咁讚佢有進步 。 佢嘅反應令我印象好深刻， 佢係呆咗唔識比反應🤣 呢一刻我就知道，佢唔係一個成日聽到稱讚嘅小朋友，所以有啲不知所措 。 我再讚佢兩句，佢有啲怕羞，唔識回應，好可愛🤣 以我嘅經驗，好多時讚美係有魔力的，會令一個學生好起來 。 適當時讚讚佢地，佢地會慢慢進步比你睇🙂‍↕️