加拿大係一個多元文化嘅地方，我做嘢嘅宿舍都唔例外，我哋呢度有黎巴嫩，意大利，越南人等等… 所以每個星期我哋都會搞culture night , 去整嗰個文化嘅食物，播佢哋嘅電影聽佢哋嘅歌。 今晚輪到我Host Lebanese night，去整一個晚餐俾佢哋。 話說我整嘢食唔算叻，不過食物都係sensory 嘅一種，俾佢哋食唔同嘅食物感受唔同嘅味道，所以我都希望將啲嘢食整得好睇啲。 嘥咗好多心機，上網睇吓人哋點整，盡我嘅能力plate 得好睇啲希望佢哋食得開心啲。 不過有時呢份關心未必得到佢哋嘅認同。可能係同佢哋以往食開嘅食物有唔同，聞到一啲比較少用嘅香料，真係一個唔該就反枱。 所以其實照顧佢哋真係唔簡單。