孩子的健康最重要 （8) 呢個pm係一封喪禮請柬 而追思嘅對象， 就係呢一位堅強挨過左成年醫院生涯嘅BB😭😭😭 係轉咗去普通病房後，未返過屋企之前， 就感染到病菌撒手人寰😭😭😭😭😭😭😭😭  我收到嘅時候除左係回覆會出席同媽媽保重外 我覺得講咩都冇辦法撫慰到一個媽媽失去骨肉嘅心 追思會係醫院嘅安寧堂進行 一行入去有大概10幾人 BB被放係一個小型嘅棺木內 平靜咁瞓著咗 我嘅眼淚已忍唔住係眼眶中打轉 在場嘅仲有幾位姑娘 而父母可以睇得出係強忍住悲痛打點一切 係播BB生前相嘅時候 大家都忍唔住飲泣 打開紙巾嘅膠袋聲同抹鼻聲此起彼落 大家都估唔到堅持咗咁耐嘅BB 係就嚟出院返屋企前 就離開咗自己嘅爸爸媽媽 直至去到BB要上靈柩車 師父稱父母唔可以上埋同一架車 怕小朋友放唔低悲痛欲絕嘅父母 （如果用中式說法係怕逝者放唔低，唔願意投胎轉世） 呢個時候媽媽再都忍唔住 撕心裂肺地喊咗出嚟 哀求師父俾佢陪自己骨肉走埋最後一程 但最後都係被阻止住 在場嘅所有人都同呢位媽媽一樣 泣不成聲 自從經歷過呢個追思會， 我每次經過醫院呢個位 都會鼻子一酸 我更難以想像失去小朋友 會係何等肝腸寸斷的痛