有個日本客幾投契，生意都做過幾次，後來傾得deep啲先發現佢曾經喺香港開公司，難怪咁鍾意同我傾香港嘢啦！ 早兩日佢話公司想請人，問有冇介紹，我話有。 「日本人？」 我：「唔係日本人，係香港人。」 「抱歉，如果係請員工，我唔請香港人，有冇台灣人或者中國人介紹？」 因為我要回應咗佢問題先，所以就答冇日本、台灣，或者中國人介紹。 及後我再問佢點解鍾意同香港人玩，又唔介意同香港人做生意，但係招聘方面就咁抗拒請香港人做嘢呢？可惜佢迴避冇答，典型日本人作風，咁我都無謂追問落去。