好啦話說聽日又quiz啦 。人大咗呢，一嚟attention span好撚短啦，二嚟其實個心態係programme pass我都算㗎啦 。以為自己上堂留心，又讀晒啲嘢一次，點知頭先做sample quiz又真係有幾多計唔到喎 。咁我心裏面panic咗一吓啦 。然後當我stress eat緊士多啤梨味百力滋嗰陣時，我突然醒一醒，提自己，你爛船都有三斤釘，你會pass㗎啦 。我而家就祈求，聽日乖乖咁發下台瘟，咁又pass一個quiz啦 。見到而家讀書散漫嘅程度，同以前讀U比起，真係想像唔到自己當時係幾determined，日出而讀日入都讀，朝八晚十坐law lib讀到上Dean’s List 。雖然係好耐以前嘅事，但at least我而家都可好好安慰吓自己，係不為也非不能也 。而家心情突然好輕鬆輕鬆到未做好cheat sheet就準備瞓啦 。有咩聽朝起身先講啦。 記住，我淨係要passssss㗎咋，c’est la vie enjoy life。