Threads派咗篇嘢我睇，內容大致講一個爸爸帶小朋友去考某區隊，但教練選唔中嗰位小朋友，不過最後都以後補形式跟操。爸爸嘅一啲說話，某程度反映咗香港grassroot同英國嘅小分野。 當中嘅含意大概係話「唔夠盡力、會冇得再踼波」 「They are not footballer, just a kid who is wearing football shirt. 」呢句係一個intrustor係coaching course提過嘅說話 個人感覺以一場試腳嚟定義一個小朋友嘅足球高度、甚至乎有冇得再踼波，未免太過harsh了吧？ 係咪代表踼會踼職業先算叫得上踼波？街場跟隊唔可以享受到足球嘅樂趣？ 咁grassroot足球嘅意指係為指標而踼波定為建立興趣前提下灌輸足球知識？ 回應返我一開始講嘅grassroot小分野，外國小朋友落到場點解咁投入？無可否認英國足球產業龐大，成為職業足球員更加係一條理想嘅出路，但對於金錢價值觀尚未完整嘅小朋友嚟講，足球帶俾佢哋嘅樂趣會唔會先係佢哋最大動力？而唔係單單追求踼會或入club嘅一啲指標。