家中老么，aka 賤妹，要離巢了🥲 為左令佢自煮有多啲inspiration， 我又的起心肝趕走懶蟲寫下recipe 雖然未轉冷，但感覺已乾燥好多。 無時間煲老火湯， 唯有煲住味噌湯頂住檔先。 之前試過就咁切粒滾起加味噌， 但效果唔理想，覺得兩個味道無法融和。 炒一炒再加水令味噌湯多一份酸甜嘅層次， 而因為用油炒過蕃茄，乳化嘅湯水特別濃厚 <<蕃茄麵豉湯>> 蕃茄 1個 水 4個飯碗 味噌 1湯匙 1. 蕃茄切粒 2. 少少油熱鑊後炒蕃茄至蓉 3. 加約半飯碗熟嘅凍水，炒成糊 4. 再加入其餘水，滾開後就加味噌煮溶就可以。煮溶後可以熄火，加熱太耐味噌裡面嘅酵素會流失，同會變苦 以上只係湯底嘅做法， 大家可以自行加鍾意嘅配料 我有加到半包滑菇同1/4包金菇， 加左金菇都可以令個湯濃稠啲