《約女神食LUNCH》14 - 訂位 上回講EXP好多人 女神：嘩！咁多人！你book左幾點？ (我心諗：仆街！我無訂，我諗住排一陣) 平時去開茶記麥記，成世仔未訂過位，你會唔會打去訂位食譚仔？幫我留個位，今晚7點，留碗手打勿演、黑毛懶肉、山小辣米線，留支84年可樂，要早半個鐘decant😎 我：Sorry！我無訂 女神：下 我：我去問下先 個職員話要等1個鐘左右，女神聽到面都黑埋🌚，然後話去第二間 我甚少黎又一城，真係唔知有乜L野食 正當我想用電話搵之際，女神就主動帶路去搵，我都幾柒😅 行左好幾間，都係無位，我FEEL到女神已經唔耐煩 去到LadyM門口，見有位 女神：其實我頭先都食左D野，唔係好肚餓，不如入去食件CAKE？ 我：OK 點餐後，女神講在「傾別廚」的生活 佢話佢D同學有歐洲皇室、政要、富豪的仔女，乜乜大代 突然覺得同佢距離又遠左 不過醒起我同學都有內地高官和阿里媽媽高層仔女，心理先平衡少少😇 女神又up左一大堆地方和食物英文名 其實我都唔知乜黎，但又要點頭扮明(大家如試過，請畀LIKE❤️) 佢話同fd去依D地方和食野 我扮傻追問：係咪bf去呀？😏 女神：Errr.