中大應該係最滿足到中學生對於大學想像嘅地方 啲course 收幾多分 讀乜 而家上網大把source 唯有真係去嗰個地方 有人帶住行個圈係感受最深 有個目標先有動力去讀書 正如以前自己都係好嚮往去中大讀書 對於其他基本上完全冇興趣咁滯 比自己個目標就係無論如何點都要碌入去中大 點都要喺度生活 點都想將嗰度成為我人生一部分 今日個Threads比cu info day 洗版 諗返起以前去info day 同喺嗰度讀嗰陣時嘅嘢 搞到我都有衝動想返去行個圈 掛住每一個天台 同 睇極都睇唔厭嘅夜景 掛住每次深夜一個人靜靜喺民女行上山返宿嘅時光 大學四年係我人生入面最開心嘅四年 有時會諗其實未必係因為正值相對自由嘅時期 而係我身處嘅地方係中大 一個我鍾意嘅地方