原來我同我偶像啤梨哥居然經歷過同一樣野，就係玻璃船!! 初去泰國通常跟團，睇到有一part 係坐玻璃船暢遊乜鬼海灣，透過玻璃船可以睇到海底唔同既魚呀乜乜物，令你置身海底仙境呀點點點。 我同老best 都覺得坐玻璃船喎，成世人未坐過，一定要試下。 當日滿心歡喜去到目的地，導遊叫我地上隻舢舨仔坐，心諗挭係坐佢去上玻璃船，點知去到海中央，佢叫我地拎起船底塊板，咁就可以透過塊透明玻璃睇水底d魚。。。。重點係塊爛鬼玻璃矇查查勁污糟，乜都睇唔到，你叫我睇係咪玩我?! 所以日後d所謂什麼必睇行程千年奇景呀乜乜物，我全部都唔信。