學左足足一年琴，啲野愈來愈難，miss話而家啲歌有二級咁上下，都計劃會考二級！ 主要係懶練琴，一至五放左工，有時真係幾累，就偷懶唔練，堆曬星期六先練，梗係唔熟啦！ 好佩服啲小朋友又返學，放學又做功課又要溫書，又要練琴，仲要週末上唔止一個興趣班！點做到呢？ 我已經算好好，份工唔太辛苦，又叫近(半小時車程)。收左工，返屋企抖到七點半先施施然行去奶奶到食飯，仲帶埋飯，八點半食完走得，碗都唔使我洗！基本上一至五冇乜家務，係煲下水，洗下衫咁！ 然後我地兩公婆都唔會生小朋友，老公直頭將間細房比左我做琴房！所有配套都好好！我要加把勁練好啲琴先得！