【生活日常】 前幾天晚上坐巴士，人唔多，原本靜靜地的車箱突然有人（睇唔到邊位）手機開到個聲好大，然後有位女士怒屌出聲，叫那人帶耳筒或細聲啲，我估全車都強烈感受到那女士的怒氣，明白嘅。 剛剛在巴士上，又係原本靜靜地的車箱，又有位大叔手機開大聲睇片，我靜靜地走過去佢身邊細細聲同佢講「麻煩細聲啲好嘛」 轉個頭就聽唔到佢播片的聲，後來再望過去，見佢帶咗耳筒，我心諗，咁得意嘅？！ 有耳筒唔一早用呢？ 係咩玩法？ 其實呢啲情況經常發生，我覺得走過去輕輕講聲已經足夠了，如果唔想直接講，也可以同司機講聲都得，因為家陣啲巴士會有廣播，可以叫乘客音量收細聲的。呢個城市煩躁嘅事已經好多，有啲嘢其實可以放輕鬆去解決對大家都好。