由於做咗1次化療加4次鞏固化療 係有骨髓移植前就只有落住鏢靶藥先 但教授都話之後都係要做骨髓移植 因為我係屬於高危復發 所以必須要做移植先會有機會康復 本來好快就有好消息 話有骨髓 不過捐贈者唔係香港嘅 做曬全身檢查 check曬野果啲 點知最後捐贈者嘅骨髓運到嚟香港啲骨髓唔active 咁就無得做住 見未有得做骨髓移植 所以等多幾個月就決定番工 聽天由命 番咗一個月唔夠 有日姑娘突然同我講 有骨髓 我要再做多次啲檢查 抽血驗果啲 亦要等捐贈者啲報告 如果順利的話 下個月就有得做 聽到果下都比唔到反應 因為太突然了 之後就係準備入院嘅野了 原來入去有好多野要注意 飲食方面同之前都好唔同 有更多限制 不過姑娘會係入院前同我+我屋企人見面講入院需知 另外 我本身有濕疹 入院唔可以有傷口 因為驚落完化療 啲指數會跌到谷底 傷口會易細菌感染 所以就即刻搵咗皮膚科專科陳醫生 睇吓搞唔搞得切 姑娘話仲有傷口未必俾移植 好彩最後皮膚科醫生教我用嘅方法 搞掂咗 我全身都冇傷口 之後就準備入院了