啲朋友成日問我做Foodie係咪成日啲嘢唔好食都話要好食😂 真心，而家香港人要求食物嘅標準越嚟越高，喺香港搵到一間難食嘅餐廳真係少之又少 （頹廢茶記、名將軟糖壽司等大伏另計😂）餐廳執得就執，其實生存到嘅餐廳嘢食都唔差。 唔少餐廳質素都OK ，有啲搵Foodie試食嘅餐廳，其實質素都唔錯。 咁應該點搵餐廳？我將餐廳歸類成幾種： 1. 米芝蓮 呢類型嘅餐廳食物質素一定係好好，但係價錢就貴到你唔信，去過唔少國家旅行，香港嘅米芝蓮其實係有啲保證（當然唔好同東京同巴黎比啦）呢類型嘅餐廳基本上由兩三星開始揀起，睇返你budget逐間去試冇死，當然你係有錢人我就會食晒佢啦。🙂 2.快餐店 /茶記 主要係用嚟填飽肚，唔評論。 3.一般餐廳（上IG見最多嗰種） 主要係睇賣相同性價比。食物質素其實大家都差唔多，聰明嘅餐廳食整啲打卡嘢引人去，會受歡迎啲。所以作為消費者嘅你哋，最實際都係睇錢同睇圖。當然餐廳環境都好重要。就住呢一點，有拍Reels而清楚標明價錢嘅Foodie page就幫到你。🤗 香港美食