話說十多年前，遇到個神經質老細，啲同事話佢過度活躍症。 有次喺一個炎夏嘅星期日，如常打完網球，啱啱除晒衫準備沖涼之際，老細call我，因為剛完成個project ，去到印刷階段，以為發生乜事，就急急接聽。 點知一聽佢就不停鬧，大意係印刷廠唔將印好嘅嘢，唔送幾本去佢屋企，比佢睇咗先。 我都唔記得我同佢講啲乜，大約都係安撫說話，但其實單嘢同我完全無關，佢純粹想捉個人嚟聽佢屌印刷廠。 都唔知鬧咗幾耐（10分鐘？），總之我就全祼咁坐喺更衣室，見著幾個朋友換埋衫，等我沖完涼去食飯。