啱啱玩完呢隻Steam嘅遊戲，見冇乜人講同分享，真係好想係度講下🥹 遊戲叫【Disco Elysium 極樂迪斯科】，雖然個名唔知做緊乜，但其實你係遊戲入邊要做一個警探調查一宗神秘兇殺案件。由於遊戲設定一開頭你係已經無端端失咗憶飲咗好多酒嘅古怪阿叔，同我一入到遊戲完全唔知發生乜事嘅狀態好似，所以你就要慢慢喺個遊戲入邊同唔同嘅人物對話，搵線索逐漸拼湊出角色對身邊嘅所有人同事物嘅記憶，仲有重新了解返自己係一個點樣嘅人。 呢個遊戲其實就係要睇大量嘅文本，所以就好似睇緊一本偵探小說咁，劇情同配音都非常之出色✨遊戲一開始你可以揀唔同類型嘅能力配值開始遊戲，但呢款唔似平時打機嗰種技能配點，你所揀嘅類型只係你傾向用邊一種能力查案🤔（例如你想似福爾摩斯咁純智力、成龍咁用埋武力解決問題定抑或是感知能力強嘅似Mentalist主角咁🕵️） 除咗呢啲能力值之外，仲有個好有趣嘅系統就係你可以選擇唔同嘅政治理念，包括共產主義、法西斯主義、道德主義同極端自由主義。唔同嘅理念亦都會引致唔同嘅選擇，所以玩緊嘅時候亦都好似重新摸索緊自己內心真正信奉嘅理念。 （留言續)