肥仔記 雞翼薯仔公仔麵 店舖會為所有麵都加上腩汁，碗麵一上台你就會聞到好香嘅番茄湯味（絕對唔係果啲現成茄膏開嘅番茄湯味，而係有種葡式感覺由洋蔥同月桂葉煮出黎嘅香味）濃烈嘅茄湯香味不斷令你口水分泌，彷彿叫你快啲食佢快啲食佢。試一口佢嘅湯底，辛辣嘅感覺令你食指大動（我叫中辣），肥仔記嘅湯底真係成間舖靈魂，專登揸車食都抵。 麵入面嘅薯仔已經煮到好淋，不單吸收晒湯汁嘅味道，因為經過長時間嘅熬煮，有一種屬於澱粉質嘅甜味出左黎。雞翼係鹵水雞翼，佢嘅雞翼係屬於有鹵水味但唔會鹵到好似一夾就散嘅狀態。雞翼嘅甜同埋薯仔嘅甜，剛好中和湯底嘅辣，非常合拍！ 澳門美食