關於友情，有兩種「朋友」令我好概嘆。呢兩種都係明明當初好close，每日都text，又會約食飯，但突然一日就已讀不回，然後黎越黎越少搵我，之後發展成為： 第一種，相隔半年或一年先問候下我「你最近點？」 第二種，有野需要幫手或者有野想呻先會搵我。 以前，呢兩種「朋友」再搵返我，我係開心嘅，都會期待，希望可以變返以前咁，多啲text、多啲見面，可惜每次只會再失望。 第一種「朋友」，一定係問候完我，或者八卦完我，又再已讀不回，又再消失。 第二種「朋友」，一定係搵我幫完手，或者佢呻完，又再已讀不回，又再消失。 宜家，呢兩種「朋友」再搵我，我直接唔覆。因為我知道，如果我又應機，我又會再期待，然後又會再失望。 人生就係咁，真係好多過客。