然後…將枱就好似比其餘三人墜得太重咁樣， 「啪」一聲反咗摺埋，麻雀散落一地。 佢地嗰下即時愕一愕，不過聽呀師兄講， 又無話好驚，因為大家都覺得係， 無lock實張麻雀枱咁啫，d舊傢私實有問題架啦。 大家執返好地下d麻雀就算數走人，返公司打卡收工又一day。 第二日，Rachael sick leave。第三日，第四日都係。 「賺咗我地d錢去旅行？」其中一個雀友仲暗暗咁問。 結果Rachael成個禮拜都無返。 佢地開始覺得唔妥，就去咗Rachael屋企搵佢。 原來，Rachael 自從嗰晚雀局之後就開始發燒， 一直都無退過，終日昏昏暈暈， 佢都知自己呢獲領野了。 佢講返，嗰日愈打就愈覺得邪門， d牌好似餵到埋黎比佢食咁， 但，自己又一路贏緊錢，唔通唔打咩。 到差唔多完既時候，佢見到面前有d嘢… 當時，Rachael坐個位係對住間主人房嘅， 主人房無開燈，房門打開，入面好黑， 佢話，嗰日打牌果陣成日稍到 房入面好似有人從左至右行過咁， 仲要唔止一次，每次都係由左至右， 佢試過定眼望，又淨係得個空空如也嘅主人房， 或者只係自己眼花卦。 直到…