最近threads 好多人討論而家唔興瑜伽... 我都想分享自己十年瑜伽歷程... 人地18-28歲嗰陣，應該係人生最青春活力既黃金十年，而我嗰十年，可以用“燃燒生命”黎形容。 曾經每晚11點準時落夜場玩到天昏地暗，人地玩天光，我係玩到下晝,然後昏睡到10點，又一個不夜天循環。 身體好虛，行幾級樓梯會腳軟喘氣，講野講大聲啲會出汗心跳好快... 然後小魔怪出世後，覺得真係需要人生一個reboot，就求其揾樣運動黎玩下，當年第一次瑜伽堂就係大型瑜伽中心，一班30人，我仲要唔知點解一報就報vinyasa, 乜都唔識無基礎，望住隔離你做乜我做乜，然後就開始我既瑜伽人生。 後黎間野執左我就轉去小班上堂，跟住先知乜野係下犬式，原來仲有腹式呼吸，喉式呼吸，陰瑜伽... 每星期恒常練習，自修練習，漸漸被瑜伽磨平稜角，充實心靈，瑜伽變成我既信仰。 到而家我都同學生講，練習只係一個過程，目的唔係要做到極限既動作打張卡，而係接納自己不足，謙卑地認識自己，無雜念地放空同身體合一。 瑜伽--唔係運動，而係生活。