話說幾年前啱啱考完DSE, 日日都好得閒，有日約一班人出去等緊人嘅時候，同一個friend喺夢幻樂園到消磨下時間，然後我發現到有部機個玩法係最易賺飛。 部機有5個圖案會輪住著，然後個Jackpot set死喺一個圖案上面，喺個jackpot圖案撳制就會多啲飛，撳完制就會有個波碌出嚟，最底有個順時針轉嘅長方型軌道會令個波行去唔同方向，去到指定嘅入口就會中獎，然後我發現嗰5個圖案每閃兩次個軌道就會轉半個圈，如是這只要捉啱時機就可以每次都jackpot, 實際統計上10次大約可以中7次。雖然佢Jackpot都只係80張飛，但係佢一罐355ml嘅可樂都只係要150張飛。 發現咗之後我就連續玩咗一個禮拜，啲職員應該好疑惑點解啱啱入完一陣又要再幫部機入飛。然而好景不長，玩咗一個禮拜部機就俾人拆咗了。