最近狀態唔係幾好, 想寫一寫 我係一個焦慮症患者 我會頭痛, 心悸, 手震, 噁心, 暈眩, 胃痛, 肚痛, 肌肉繃緊, 自殘傾向 而最影響嘅係我無時無刻都處於一個緊張, 不安全感, 甚至無緣無故嘅驚恐 呢啲狀況會令我突然煩躁失去耐性 最近我好攰好眼瞓, 而睡眠時間越嚟越短, 有時每15分鐘就心悸醒, 每一次睡眠都發夢而當中我嘅記憶好少, 我驚醒後只知道我夢見什麼人, 或只記得夢中嘅情緒而情緒爆發 大部分症狀慢慢浮現都喺我生命出現咗二十年以上 係呀, 我有做運動 做運動令我快樂有滿足感, 但同傷風感冒一樣 運動令你強身健體但唔能夠治療任何疾病 傷風感冒令人身體虛弱而焦慮症令我很精神軟弱 同部分傷風感冒嘅人一樣, 我選擇天然療法 我呢兩年知道點樣控制, 點樣令自己慢慢康復 悲觀都變成樂觀嘅個性 但一個長期病患者, 病情總有高有低 最近幾個月因為生活不斷轉變, 我失守了 即使我知道用咩手法可以安撫情緒, 都將啲情緒壓制得更利害, 病徵比以前少但不健康 焦慮症嘅人, 腦海都非常忙碌, 混亂, 矛盾 我好攰 我會堅強再次好返 下次mood到寫我治療心得