由一開始日日嘈交，去到而家人人羨慕，但背後係點得自己知。你唔識拍拖，我逐樣教，而家兩三個月先嘈一次甚至唔會，之後終於識以我行先，對我好，個一刻我真係信你愛我。 但點解一遇事就逃避，點解可以輕易講「分手」 你話斷咗以後就唔使煩😅，一啲責任都冇。唔改變，以後拍拖、工作上都係一事冇成架咋。 呢年半我從來冇講過分手，有事咪解決囉，你就講成五六次，更何況錯嘅係你，其中一件事為例：我哋一齊嘅時候同其他女日日傾計仔，對人幾溫柔主動，我呢？仲要你當日夜晚先同我過夜。 我等咗幾耐你先肯改，你憑咩講分手？呢件事發生喺上年，如果我而家唔睇你電話成世都唔會知，嬲唔開心正常吧。而家我淨係要你道歉同氹我咋，你一句就話分手。 過咗之後先話因為情緒影響，唔係真係想分手，放唔低我。我喺條街挽留你個陣，你有冇心痛過我一秒😞