（32） 隨著我媽衣種情況 我對佢愈嚟愈反感 雖然明白佢係受毒品影響 但我已經都開始分不清楚 佢係有意定冇意…… 只係知狐狸唔係到 佢就會隨時嚟料 真心好累…… 當年我媽其實幾貪靚 所以係屋企都會化妝 但係我眼中 佢根本唔知自己做緊乜 好記得個段時間佢同我嘈交時候 骷髏骨身材 瘦削臉頰 加上濃厚妝容 眼神目露凶光 望著我媽時候 我真心覺得好恐怖 我會形容似一個活死人 佢每罵一句說話 都係像刀一樣鋒利 有時言語攻擊勝過一拳到肉 內容可以係： 你個死賤種 賤閪 臭閪 正一叛徒嚟 你個冚家橙 生女冇撚用 當初應該要返個仔 應該洛撚咗你就岩！ 衣個屋企最撚冇資格出聲係你 知唔知好撚肉酸呀你 基本上佢就係諗到咩就會罵出口 罵嘅嘢可以係同件事冇任何關係 好記得有一次 我媽又同我開波 我哋房與房之間 其實只係好簡陋咁用一個大櫃 去幫我地做分隔 咁就已經係當房 佢唸唸有詞罵我 然後不斷用力推個大櫃 企圖想用大櫃壓我 個大櫃係實木嚟 我唔明佢點解夠力推 可能衣啲就係食左冰嚟嘅蠻力？ 故事分享