無諗過第一次嘅post竟然就係要講呢啲咁唔開心嘅嘢 為咗令更多嘅人知道佢哋有幾咁惡劣，我喺呢度copy返我喺IG嘅留言 係呢兩日 無數BLACKJACK買唔到飛 如果你哋完全唔回應 真係難以服眾 1/到底你哋留咗幾多數量係內部飛入面，一般正常少少公關票係唔會有人話，因為你係做生意，但係而家全部識出票嘅黃牛都係話內部飛，你哋對呢一點有啲乜嘢解釋？ 2/live nation+cityline 以外點解會有其他嘅平台都可以出售門票？而你哋從來都冇提及過有咁樣嘅事 你咁樣同玩一眾嘅真愛飯有咩分別？ 3/其他嘅平台都會作出一定嘅手段去抗衡呢啲黃牛嘅行為，而你哋到底有做出啲乜嘢去幫返我哋呀？我哋完全見唔到。 4/非常多人都卡住俾人hold飛畫面十世郁唔到 大家都係睇住個倒數器倒數 我哋眼白白咁樣睇到啲飛被消失 呢啲技術失誤點解你哋完全冇任何措施？ 5/而家啲黃牛炒飛炒到天價 你哋而家有冇諗住用乜嘢嘅手段去幫返我哋一眾嘅人？眾多二代飯+YG FAMILY飯+BLACKJACK係等咗幾多年嚟到去換取有呢一次嘅巡迴演唱會 知唔知道我哋係幾咁憤怒？ livenationhk @citylinehk