頭先食飯時睇youtube, 有個人係做殯儀，因為破地獄呢套戲，講起做殯儀嘅一啲事 我同B講返嗰時幫客做上位，遇到一對夫妻，佢哋幫個啱啱過世嘅16歲女做 第一次講啲石碑嗰時，個阿媽係咁喊…但個爸爸好冷靜咁揀啲石碑圖 之後第二次再見，只有爸爸出現，嗰次佢要畀女兒張相我整石碑…然後爸爸揸住張相同我講：我個女讀書又叻，又八級鋼琴，又乖又靚女…點解要為咗個男仔咁傻？ 佢本來好乖㗎… 爸爸話平時一句都唔敢喺老婆面前講個女，因為佢知老婆好傷心，所以自己要扮無事，扮冷靜 而喺佢不斷講緊嘅時候…我感覺到佢個女就企喺隔籬喊得好緊要，好後悔自己咁做，令到父母咁傷心😭😭 隔咗咁多年，我講起時都仲忍唔住喊