關於求生 -- 跳水訓練 上咗2.5日嘅 STCW 嘅堂，著住求生衣係3.5米嘅跳台一躍而下，好似完成咗人生一個成就。 我諗係依間學校 (MSTI) 讀嘅，已經唔係關於船同航海嘅知識，讀咗15年中小幼+5年大學，感覺好似第一次學點樣求生，學識點樣係一層樓或者仲要更加高嘅高度跳入4米深嘅水池、點樣用救生筏、點樣著保溫衣、沿住繩網爬入去救生筏等等。 回憶返係大水坑石澗跳落去水池，都有7年前，本身自己係有畏高，比起其他同學我係上面掙扎咗幾分鐘。今次，望落下面水池係有畏高，我諗我唔係驚落水拍落水面個刻，而係站係高處個刻好煎熬。如果我係跳台直衝，可能會更加 Happy。 當我捏住個鼻，要吸一口氣，準備踏落去。 我怯，鬆開咗隻手，再大大啖吸氣，捏緊個鼻抱住救生衣腦海一片空白合埋眼踏出去。懸空嘅時間可能係 1.5秒 (?)，但我已經諗唔到野，我感覺自己係長短腳落水，而唔係正確嘅合 loong3 姿勢 (sor 唔識打依個字)。 聽到水聲，開咗眼，從水底望上去全部係反映自己重量嘅白色水花，救生衣將我拉返係水面，我面向太陽，用兩隻手划到目的地。 成就解鎖了。俾我不斷無限咁跳可能唔再驚。