《多倫多大學宿舍日記3.0》 今日唔講我嘅同房roommate 阿A，最近佢改善咗起碼佢有做過清潔同倒垃圾，令人好感動🥹🥹。 但係一波未平一波又起，上個禮拜開始嚟咗個愛爾蘭大學exchange過嚟嘅俄羅斯人，佢係完全0生活知識仲要唔聽人講嘢😭😭！！ 1. 咁平時啲油鹽糖都係擺係檯面㗎嘛，佢無啦啦將我啲嘢周圍擺上去啲櫃到，擺咁高我點樣煮飯啊😭，佢仲要將我支油同味醂擺喺抽油煙機上面，啲嘢唔着火都壞啦。 2. 佢問都冇問過我就攞我啲玻璃飯盒嚟裝佢啲飯，我完全唔會想借飯盒俾人，一嚟佢哋肯定唔洗返乾淨，二嚟偷我嘢用我點會仲借俾佢，而且本身個盒係攞嚟裝生嘢㗎！！我自己都係啱啱好夠盒用。 3. 佢買完啲菜係就咁冇包膠袋求其掟落雪櫃，搞到我啲提子俾佢壓爛咗（盒裝提子都可以壓爛你好勁 同埋呢位仁兄都好中意攞我舊海綿嚟洗碗（點解啲人都咁中意攞我舊海綿用 由開學到而家我每個禮拜都至少要搵一次個don負責人已經midterm啦，仲要俾多啲嘢我去做，好攰啊😭！！ 多倫多