小姐你貴姓？ 因為玩音樂嘅緣故曾經認識過一位女士，加上果排佢想租用我會所嘅一部三角琴，所以大家就多咗一齊夾歌 呢位女士非常鍾意稱讚自己嘅美貌，仲經常講啲人讚佢有前有後，的確，好難想像到一個男人點樣用正經而且唔鹹濕嘅語氣去稱讚一個女人有前有後呢 不過最有趣嘅地方就係交換IG嘅時候 點解IG上面個名同你個名唔同嘅？ 佢回答：好平常啫，我個IG主要都係睇其他人啲嘢，你知啦本身我係姓王㗎嘛 我話：原來如此，咁不如呢餐飯我轉數快俾你好唔好？ 佢話：好啊冇所謂， 我一睇，轉數快上面顯示嘅姓氏係姓李， IG上面個名係姓陳，同人哋講佢姓黃，銀行戶口上面嘅姓氏係姓李，究竟有咩人需要有三個身份咁神秘？非常有趣，究竟呢一位有前有後嘅女士係騙子定係間諜？🤣