呢排喺到諗自己點解唔開心 發現其中一個原因係因為父母 而家因為一啲原因所以同緊另一半+阿媽一齊住 發現原來自己同阿媽住係比較唔開心 唔知係咪佢思想比較負面+生活比自己想像中不如意 所以佢言語上好多時都比較負面 而且會因為我做錯少少嘢就發脾氣 當然 咁我又唔可以怪晒佢地 畢竟佢地生活同養大我都唔易 但亦唔可以否認呢個係其中一個令我唔開心嘅原因（由細到大都係俾人打/鬧多） 不過而家呢個情況又唔可以叫阿媽搬走（返香港） 但同時面對佢又經常唔開心（負面言語+成日說教想人跟佢嗰套） 暫時都未有解決方法