…接上文 在入場前我心裡有個恐𢣷 就係會唔會又係一次聆聽CD演唱會 事關好多呢啲電子組合因為編曲限制而欠缺應有嘅現場感 當玩完第一首純音樂嘅La femme d’argent 我完全放下心頭大石 三人制嘅Air有真鼓真bass真結他之外 好多段鍵琴都係用電琴真彈 再加上好夾好靚嘅visual 同靚聲到不得了嘅音響 完全係我心目中最理想嘅電子組合演出 Moon Safari部份由頭玩到味 全部都執過晒玩現場版本 在此唔講太多留待大家在Clockenflap 去感受 45分鐘後完成謝幕返後台然後開始第二部份 算係玩佢地啲金曲 Encore最後一首係Electronic Performers 亦都係佢地自己嘅寫照 作為結尾曲絕對係完美無瑕 90分鐘演出係我睇過其中一場最最最精彩演出 所以事隔個半月在open air環境下又會係點？ 我都好想知 奉勸大家若果準備11月29入場睇佢哋 盡可能行前啲 事關佢個大型框框舞台嘅visual 太遠可能無咗個震憾效果